अस्ट्रेलियाले नेपाली सेनालाई दियो १८ लाख डलर बराबरको स्वास्थ्य सामग्री

Logo २२ जेष्ठ २०७८, शनिबार १७:५५ | Aadil Times                  

काठमाडौँ– अस्ट्रेलिया सरकारले नेपाली सेनालाई कोभिड–१९ महामारीविरुद्ध लडाइँका लागि स्वास्थ्य सामाग्री सहयोग गरेको छ ।

अष्ट्रेलियन सेनाको विशेष विमानले काठमाडौँ लिएर आएको उक्त सहयोग सामग्री नेपालका लागि अष्ट्रेलियका राजदूत फेलिसिटी भल्कले नेपाल सेनाका बलाधिकृत रथी प्रभुराम शर्मालाई हस्तान्तरण गरेकी हुन् ।

त्रिभुवन अन्तर्राष्ट्रिय विमानस्थलमा आयोजित एक कार्यक्रममा सेनालाई उक्त सहयोग हस्तान्त्रण गरिएको हो । उक्त सहयोग सामग्री शनिबार काठमाडौं आइपुगेको हो । बलाधिकृत रथी शर्माले अस्ट्रेलियाले गरेको सहयोगप्रति हार्दिक आभार तथा धन्यवाद प्रकट गरे ।

यस्तै राजदूत भल्कले पनि कोभिड-१९ महामारीमा अग्रपङ्क्तिमा कार्यरत नेपाली सेनालाई वेष्टर्न अस्ट्रेलिया सरकारले प्रदान गरेको १८ लाख डलरको सामाग्रीहरु हस्तान्तरण गर्न पाउँदा खुशी लागेको प्रतिक्रिया दिएकी छन् । साथै उनले अस्ट्रेलियाली वायुसेनालाई सहयोग सामाग्री दक्षिण एसियामा ल्याईदिएकोमा धन्यबाद दिएकी छन् ।

 

gorkhali-news

सम्बन्धित खबर


gorkhali-news