लक डाउन पछि नेपालमा रेल र पानी जहाज चल्छ : मन्त्री नेम्वाङ

Logo १९ जेष्ठ २०७८, बुधबार २०:३५ | Md Sarfraj                  

भौतिक पूर्वाधार तथा यातायात मन्त्री वसन्तकुमार नेम्वाङले आर्थिक वर्ष २०७८/७९ को बजेट कार्यान्वयनका लागि सरकारले असार मसान्तसम्म स्पष्ट कार्ययोजना बनाइसक्ने बताएका छन् । यसअघि बजेट त आउने तर कार्यान्वयनमा के कसरी जाने भन्ने स्पष्ट खाका तथा मोडालिटी नबन्दा बजेट कार्यान्वयनमा समस्या आउने गरेको भन्दै मन्त्री नेम्वाङले यसपटक सरकार स्पष्ट खाकासहित बजेट कार्यान्वयनमा जाने बताए ।

‘बजेट कार्यान्वयनमा हामी दृढ छौं । कोभिड–१९ को महामारीका बीच पनि जनताको स्वास्थ्य सुरक्षा र मुलुकको दिगो विकासलाई प्रमुख प्राथमिकतामा राखेर आएको बजेट कार्यान्वयन गर्न हामी कटिबद्ध छौं । यसका लागि सरकार स्पष्ट कार्ययोजनासहित अघि बढ्छ’ मन्त्री नेम्वाङले भने, ‘बजेट कार्यान्वयनका लागि आगामी असार मसान्तसम्म कार्ययोजना बनाई सक्छौं ।’

सो अवसरमा मन्त्री नेम्वाङले आर्थिक वर्षको बजेटले भौतिक पूर्वाधार तथा विकास निर्माणलाई नै प्रमुख प्राथमिकतामा राख्दै बजेट विनियोजन गरिएको बताए । भौतिक पूर्वाधारको क्षेत्रमा ३२ वटा शीर्षकमा १ खर्ब ६३ अर्ब बराबरको बजेट विनियोजन भएको उनले बताए । बजेटले सडक निर्माण तथा सुधारदेखि रेल, मेट्रो रेल, सुरुङ मार्ग, फ्लाइओभर निर्माण लगायतका महत्वाकांक्षी योजनाहरुलाई केन्द्रमा राखेको उनले बताए ।



सम्बन्धित खबर