१ हजार ५५५ संक्रमित आईसीयू र भेन्टिलेटरमा, कुन प्रदेशमा कति ?

Logo २९ जेष्ठ २०७८, शनिबार ००:२७ | Aadil Times                  

स्वास्थ्य तथा जनसंख्या मन्त्रालयका अनुसार १ हजार ५५५ जना कोरोना संक्रमितको देशका विभिन्न आईसीयू र भेन्टिलेटरमा उपचार भइरहेको छ ।

मन्त्रालयको आजको तथ्यांक अनुसार देशभर हाल १ हजार १८९ कोरोना संक्रमितको आईसीयूमा र ३६६ को भेन्टिलेटरमा गरी कुल १ हजार ५५५ जना उपचाररत छन्।

मन्त्रालयको आजको तथ्यांक अनुसार प्रदेश १ मा १९६ जना आईसीयूमा र ५४ भेन्टिलेटरमा उपचाररत छन् । यसैगरी प्रदेश २ मा ५८ आईसीयूमा र १४ जनाको भेन्टिलेटर उपचार भइरहेको छ। यसैगरी बागमती प्रदेशमा ६८७ जना आईसीयूमा र २४१ जना भेन्टिलेटरमा छन्।

गण्डकी प्रदेशमा ८९ जना आईसीयूमा र २७ जना भेन्टिलेटरमा, लुम्बिनी प्रदेशमा ११६ जना आईसीयूमा र १८ जना भेन्टिलेटरमा, कर्णालीमा २२ जना आईसीयूमा र ४ जना भेन्टिलेटरमा, सुदूरपश्चिम प्रदेशमा २१ जना आईसीयू र ८ जना भेन्टिलेटरमा रहेको मन्त्रालयले जनाएको छ।

gorkhali-news

सम्बन्धित खबर


gorkhali-news