प्रहरीले विराटनगर महानगरपालिका अन्तर्गतका विभिन्न स्थानबाट भन्सार छलीका सामान बरामद गरेको छ ।
अवैध रूपमा भन्सार छली चोरी पैठारी गरिएका अन्दाजी दुई लाख ५५ हजार ९१० रुपैयाँ बराबरका सामान बरामद भएको जिल्ला प्रहरी कार्यालय मोरङले जनाएको छ ।
खाद्यान्न तथा लत्ताकपडासमेत जिल्ला प्रहरी कार्यालय मोरङबाट खटिएको प्रहरी टोलीले बरामद गरेको छ ।
आवश्यक कारबाहीको लागि भन्सार कार्यालय विराटनगरमा बुझाइएको डीएसपी रन्जनकुमार दाहालले जानकारी दिए ।
