सुनसरी–३ मा नेकपा एमालेले निकालेको विजय जुलुसमा झडप हुँदा तीन जना घाइते भएका छन्।
>
भगवती चौधरीको विजय जुलुसमा झडप हुँदा तीन जना घाइते भएका हुन । उक्त क्षेत्रमा नेकपा एमालेबाट प्रतिनिधि सभाका लागि निर्वाचित बनेकी चौधरीको विजय जुलुसमा अबिर लगाउने विषयमा झडप हुँदा तीन जना घाइते भएको जिल्ला प्रहरी कार्यालयका प्रहरी उपरीक्षक प्रभु ढकालले जानकारी दिए।
>
उनका अनुसार विजय जुलुस चलिरहेको क्रममा झडप भएको हो।
>
‘चौधरीसँग विजय जुलुसमा गइरहेको समयमा रंग अबिर लगाउने कुरामा विवाद भएको थियो,’ उनले भने, ‘कसैले नलगाउने भनेपछि स्थानीय र विपक्षीसँग विवाद भएको थियो। सोही क्रममा ढुंगामुढा पनि प्रहार भएको थियो।’ अहिले घटनाबारे थप अनुसन्धान भइरहेको प्रहरीले जनाएको छ।
>>