अरब सागरमा युद्धको संकेत, इजरायलले दियो इरानलाई धम्की

Logo २२ श्रावण २०७८, शुक्रबार १४:२२ | Aadil Times                  

इजरायलका रक्षामन्त्री बेन्नी गान्जले आफ्नो देश इरानमाथि आक्रमणका लागि तयार रहेको बिहीवार चेतावनी दिएका छन् ।

समुद्रमा एक इजरायली तेल ट्यांकरमाथि घातक ड्रोन आक्रमण भएपछि इजरायलले त्यसको दोष इरानमाथि लगाएको छ । मर्सर स्ट्रीट नामक उक्त ट्यांकरमा भएको आक्रमणमा दुईजनाको मृत्यु भएपछि अमेरिका र बेलायतले पनि इरानमाथि कारवाहीको माग गरेका छन् ।

इरानले सबै आरोपको खण्डन गरेको छ ।

इरानविरुद्ध कारवाही अहिलेको आवश्यकता भएको गान्जले बताए । त्यसको जवाफमा इरानको परराष्ट्र मन्त्रालयका प्रवक्ता सईद खतीबजादेहले यस्तो धम्की अन्तर्राष्ट्रिय कानूनको क्रूर उल्लंघन भएको जनाएको छ । इरानविरुद्ध गरिने कुनै पनि मूर्खतापूर्ण कारवाहीको निर्णायक उत्तर दिइने पनि उसले जनायो ।

इरानसँगको आणविक सम्झौतामा अमेरिका फर्किनका लागि कोशिश भइरहँदा आक्रमणको यो घटना भएको हो ।

gorkhali-news

सम्बन्धित खबर


gorkhali-news