अफगानिस्तानको राजधानी काबुलमा अफगानी महिलाहरूले गरेको शान्तिपूर्ण प्रदर्शनमा हवाइफायर गरिएको छ ।>
तालिबान सत्ताको विरोधमा शनिबार अफगानी महिलाहरूले गरेको प्रदर्शनमा हवाइफायर भएको हो ।>
‘खाना, काम र स्वतन्त्रता’ भन्दै काबुलको शिक्षा मन्त्रालय अगाडि प्रदर्शनमा उत्रिएका महिला प्रदर्शनकारीमाथि तालिवान लडाकुले हवाइ फायर गरेका हुन् ।>
प्रदशर्नकारी महिलालाई तालिबान लडाकुले कुटपिटसमेत गरेका भिडियो सामाजिक सञ्जालमा देखिएको छ । तालिबानले सत्ता कब्जामा लिएको एक वर्ष पुग्नै लाग्दा महिलाले प्रदर्शन गरेका हुन् ।>
तालिबानले १५ अगस्टमा अफगानी सत्ता कब्जा गरेका थिए । त्यसयता तालिवानले महिलाको हक अधिकारमा कटौती गरेका छन् ।
>>