प्रधानमन्त्री पुष्पकमल दाहाल प्रचण्डले पाँचदलीय गठबन्धन बिउँताउनेबारे छलफल भइरहेको बताएका छन् ।
सिंहदरबारमा नेकपा एकीकृत समाजवादीका अध्यक्ष माधव नेपालसँगको भेटपछि उनले पत्रकारलाई यस्तो प्रतिक्रिया दिएका हुन् । पाँचदलीय गठबन्धन बिउँताउन लागेको हो भन्ने प्रश्नमा उनले भने, ‘छलफल भइरहेको छ । फाइनल भइसकेको छैन ।’
यस्तै, नेकपा एसका अध्यक्ष नेपालले पनि आफूहरूले अनेकौं विकल्पमा छलफल गरिरहेको भएकाले देशको हितलाई हेरेर निर्णय गर्ने बताए ।
