राष्ट्रिय युवा संघ नेपालको विराटनगर महानगर कमिटीमा नयाँ कार्यसमिति चयन भएको छ ।
पाञ्चालीस्थित नेकपा एमाले पार्टी कार्यालयमा आयोजित ९औं महाधिवेशनबाट नयाँ समिति चयन भएको हो ।
महाधिवेशनबाट नगर कमिटी अध्यक्षमा निरन्जन ढुङ्गाना चुनिएका छन् ।
उपाध्यक्षमा पप्पु अन्सारी, सचिव सागर लामा, सहसचिव अमर हुसेन, सह-सचिव अविसेक केडिया, कोषध्यक्ष प्रमिला राजवंशी भए ।
महाधिवेशनबाट ३८ सदस्यीय नगर कमिटी चयन गरिएको महानगरका अध्यक्ष ढुङ्गानाले बताए ।
महाधिवेशन नेकपा एमाले पोलिटब्युरो सदस्य तथा राष्ट्रिय युवा संघ नेपालका इन्चार्ज महेश बस्नेतको प्रमुख अतिथ्यमा सम्पन्न भएको थियो ।
